Официјално: Хаас го раскина договорот со Русинот Никита Мазепин

Пред стартот на сезоната во Формула 1 тимот на Хаас направи голема промена и тоа поради инвазијата на Русија врз Украина.

Американскиот Формула 1 тим одлучи да го раскине договорот со својот главен спознор „Уркали“, меѓутоа и да го прекине договорот со возачот Никита Мазепин. Минатата година Русинот дебитираше во Формула 1. Информацијата ја потврдија од Хаас преку социјалните мрежи.

„Хаас одлучи да го прекине договорот со генералниот спонзор „Уркали“ како и договорот со возачот Никита Мазепин. Како и остатоткот во Формула 1 нашиот тим е шокиран и жали за тоа што се случува во Украина“, порачаа од Хаас.