Официјално: Рома го доведе Ченгиз Ундер! (Видео)

Рома денес на својата официјална страна го потврди трансферот на Ченгиз Ундер.

Италијанскиот клуб очигледно ова лето има намера да доведува млади фудбалери и јасно е дека Мончи размислува за иднината на клубот. Рома на својата официјална страница денес потврди дека Ченгиз Ундер пристигнува од Басакешир.

Ченгиз успешно ги помина лекарските прегледи, а рано утрово потпиша договор со римскиот клуб. Турчинот со италијанскиот клуб потпиша петгодишен договор, а Басакешир од овој трансфер ќе заработи 13.4 милиони евра, плус 1.5 милиони евра преку бонуси. Тој во Рома ќе го носи дресот со бројот 17.

„Воодушевен сум и возбуден што пристигнав во Рома. Со нетрпение чекам да се приклучам на овој тим и да започнам да играм. Имав повеќе понуди, но на крајот се одлучив за Рома“, изјави Ченгиз.