ОФИЦИЈАЛНО: Калиниќ потпиша за Милан и го зема легендарниот број

Трансфер сагата околку трансферот на Никола Калиниќ од Фиорентина во Милан денеска конечно е завршена на радост на навивачите од Милано.

Калиниќ веќе неколку месеци се поврзува со трансфер во Милан, а откако многумина мислеа дека кариерата ќе ја продолжи во Кина, клубот од „Сан Сиро“ сериозно се ангажираше во борбата за овој играч. Хрватскиот напаѓач имаше голема желба неговиот следен клуб да биде Милан и тоа го направи.

Овој напаѓач вчера пристигна во Милан на лекарски прегледи, а денеска официјално потпиша за овој клуб, и беше претставен како ново засилување. Калиниќ со Росонерите потпиша соработка до летото 2021. година, и одлучи да го земе легендарниот број.

Имено, Калиниќ го зема дресот со број „седум“ кој некогаш го носеше легендарниот голгетер на „Сан Сиро“ Шевченко. По Украинецот, никој достојно не го носеше овој дрес, а навивачите на Милан се надеваат дека Калиниќ ќе го направи тоа.