Озил може да замине веќе во јануари – Венгер ја ОДРЕДИ цената!

Арсенал и Месут Озил се се поблиску до разделба…

Реномираниот англиски медиум „Скај Спорт“ тврди дека Арсен Венгер ја одредил цената за Германецот и е спремен да го продаде за сума од 20 милиони фунти, односно околу 22.5 милиони евра.

Подолго од една година трае сагата околу новиот договор на Озил бидејќи неговиот актуелен истекува на 30 јуни 2018 година. На почетокот Озил ги одбиваше понудите од Арсенал и бараше безобразно голема плата, но неговиот пад во формата го плати со тоа што ја изгуби подобрата преговарачка позиција.

Веќе со месеци Озил не личи на себе и игра далеку под секое ниво. Ова лето не го промени клубот и влезе во последната година од договорот. Од 1 јануари тој ќе може да потпише пред дговор со било кој клуб без дозвола на Арсенал, а наредното лето да замине без оштета.

Во Арсенал веќе се сомневаат дали да му понудат нов договор и размислуваат за продажба веќе во јануари. Затоа и ја одредија цената. Меѓутоа со моменталната горма и ситуација околу неговиот договор, тешко дека некој клуб ќе прифати да ја плати споменатата сума.