Одреден датумот за старт на Серија А

Италијанските медиуми пренесуваат дека сезоната во Серија А најверојатно ќе продолжи на 12-ти јуни.

Клубовите веќе ги направија потребните прегледи на фудбалерите и наскоро ќе започнат индивидувалните тренинзи во тренинг-центрите.

Најавите се дека на 18-ти мај здравствените власти ќе дадат дозвола за да продолжи тренажниот процес на тимовите со строго одреден протокол.

Според тоа се очекува Серија А да започне на 12-ти јуни и тоа со одложените натпревари од 26-то коло (Аталанта – Лацио, Болоња – Јувентус и Интер – Сампдорија).

Веќе од следниот викенд, односно 19-ти јуни треба да продолжи целосното 27-мо коло, а планот е Серија А да заврши до 2-ри август.