Ова се НАЈСКАПИТЕ 11 на Жозе Мурињо!

Жозе Мурињо во својата кариера беше тренер на Порто, Челзи, Интер, Реал Мадрид и Манчестер Јунајтед, а ова се играчите за кои најмногу ги истрошил сопствениците на клубовите.

Започнуваме од голманската позиција, тука место добива Асмир Беговиќ за кого Мурињо во 2015 година плати осум милиони фунти да го доведе во Челзи.

Десен бек е Паоло Фереира, доведен е во 2004 година во Челзи за 13.2 милиони фунти, централен дефанзивец е Ерик Бејли кој минатата година пристигна во Манчестер Јунајтед за 30 милиони фунти. Друштво во срцето на одбраната му прави Виктор Линделоф кој ова лето пристигна на „Олд Трафорд“ за 31 милион фунти. Лев бек е Фабио Коентрао платен 26.5 милиони евра при преминувањето во Реал Мадрид во 2011 година.

Во средината би можел да игра Вилијан кој пристигна во Челзи во 2013 година за 30 милиони фунти, секако Пол Погба за кого Јунајтед минатото лето го сруши светскиот рекорд, потоа Лука Модриќ кој во 2012 натпревари трансфер од Тотенхем во Реал Мадрид за 33 милиони фунти, а како четврти во средниот ред место добива Ерменецот Хенрик Микхтаријан за кого Јунајтед плати 26.3 милиони фунти минатата година.

Во нападот, Диего Коста во 2014 година при трансферот во Челзи беше платен 35 милиони фунти, а тука е и Андреј Шевченко за кого Челзи плати 30 милиони фунти во 2006 година.