Ноер сака да замине затоа што мисли дека со Баерн не може да ја освои Лигата на шампионите!

Со нови проблеми се соочува Баерн Минхен после последната изјава на капитенот на нивниот тим, Мануел Ноер.

Од изјавата на Ноер може да се заклучи дека сака да си замине од клубот.

Ноер изјави дека Баерн не е доволно конкурентен за да ги оствари неговите цели, а тоа го потврди и неговиот агент Томас Крот.

Оваа изјава беше навредлива за луѓето во Баерн и го повикаа Ноер на состанок, а медиумите пренесуваат луѓето во клубот му замериле затоа што не разговарал со нив туку јавно зборувал за неговото мислење.

Ноер наводно би можел да го напушти Баерн бидејќи сака да ја освои Лигата на шампионите и смета дека со Баерн во овој момент не може тоа да го направи.

Не е прв пат Баерн да има проблеми со Ноер бидејќи се случуваше неколку пати да истакнат дека Ноер е одличен голман, но лош лидер.