Ништо од Реал Мадрид, Влаховиќ за 60 милиони пред трансфер на кариерата!

Српскиот репрезентативец Душан Влаховиќ летово најверојатно ќе го напушти Јувентус, но од клубот од Торино јасно му порачале дека ќе си замине само доколку дојде задоволителна понуда.

Влаховиќ се поврзуваше со Реал Мадрид и Челзи, но се појави клуб кој е подготвен да ја плати сумата што ја бараше Старата дама.

Влаховиќ на почетокот на 2022 година пристигна како големо засилување во Јувентус од Фиорентина за цели 82 милиони евра, но сепак не успеа да ги оправда очекувањата во дресот на италијанскиот гигант.

Со месеци се шпекулира дека Влаховиќ не е многу среќен во Јувентус и дека сака да си замине, и прави се челниците на Старата дама да ги прифатат понудите на клубовите кои пројавија интерес за него.

Тој првично беше поврзуван со трансфер во Реал Мадрид и Челзи, но овие клубови допрва треба да испратат официјални понуди. Истото важи и за Баерн.

Сепак, угледниот Фабрицио Романо објави дека во трката за Влаховиќ се вклучи уште еден клуб и е подготвен да плати 60 милиони евра за српскиот напаѓач, а тој би можел да биде дел од неверојатен напад следната сезона.

Имено, токму ПСЖ е во потрага по класичен напаѓач бидејќи е јасно дека Мауро Икарди летово ќе го напушти тимот.

Романо наведува дека на списокот со желби на ПСЖ има четворица напаѓачи, а меѓу нив е и Влаховиќ. ПСЖ е подготвен да ја плати сумата што ја бара Јуве и треба да испратат официјална понуда за 23-годишниот фудбалер во наредните денови.

Ако Влаховиќ на крајот потпише за ПСЖ, тоа сигурно ќе биде трансфер во кариерата бидејќи од следната сезона би играл во неверојатен тим.

Веќе е познато каков напад има ПСЖ, а друштво на Влаховиќ би му правеле Килијан Мбапе, Нејмар и Марко Асенсио кој во клубот пристигна пред неколку дена.