Нејмар: Тешко ми е без фудбал, се борам против анксиозност

Бразлската ѕвезда и најскап фудбалер на сите времиња, Нејмар призна дека многу му недостасува фудбалот и дека се бори против анксиозност.

Повеќе од еден месец фудбалот е стопиран поради пандемијата со коронаворус, а ѕвездата на ПСЖ се наоѓа во родниот Бразил.

И покрај фактот што Нејмар во самоизолација ужива во луксуз, сепак признава дека му е тешко без фудбал.

„Тоа што не знам кога ќе можеме да се вратиме на фудбалскиот терен, ми предизвикува анксиозност. Навистина ми недостасува фудбалот. Сигурен сум дека и навивачите сакаат што побрзо да ги видат фудбалерите на терен. Се надевам дека тоа ќе се случи што побрзо“, вели Бразилецот.