Нејмар за новата повреда: Докторите ме предупредија

Бразилецот Нејмар по долгата пауза вчера се врати на теренот, но само кратко затоа што повторно беше заменет поради повреда.

Најголемата ѕвезда на Ал Хилал се мачи со повредите од неговото пристигнување и за него ова беше само шести официјален настап во саудискиот клуб.

Како што вели Бразилецот тој бил и предупреден од докторите дека може да се случи вакво нешто.

„Почувствував грч, но многу силен. Тестовите ќе покажат за што се работи се надевам дека не е нешто повеќе од грч. По една година пауза нормлано е да се случи вакво нешто, докторите ме предупредија, мора да бидам внимателен“, изјави Нејмар.