НБА: Дончиќ со скромен учинок, Далас поразен кај Јута (ВИДЕО)

Кошаркарите на Јута вчера го победија Далас Маверикс со 113:104 додека Лос Анџелес Клиперси полесно од очекуваното беа подобри од Вашингтон Визардс.

Далас пред своите навивачи беше поразен од Јута која не знае за гостински пораз. Гостинскиот тим имаше предност од првата четвртина која не ја испушти до крајот на натпреварот. Јута во првите 10 минути стигна до предност од 26:19, додека на полувреме се замина со резултат 50:46 за гостите.

Во третата четвртина гледавме изедначен натпревар во кој Далас се обидуваше да се врати и да дојде до пресврт, но Јута не дозволи такво нешто. Гостите успеаа да ја зачуваат предноста.

Најефикасен во победничкиот тим беше Гоберт со 23 поени, додека Мичел додаде 20 поени. Во тимот на Далас се истакна Смит со 27 поени, додека Лука Дончиќ одигра нешто поскромен натпревар и запиша 14 поени.

Убедлива победа остварија Клиперси против Визардс со 136:104. Клиперси одиграа тимски фантастичен натпревар предводени од Харис кој постигна 22 поени. Изминатата ноќ победа запиша и Оклахома против Феникс со 117:110.