Најбараниот дефанзивец се договори со Милан

Италијанските медиуми пренесуваат дека раководството на Милан постигнало договор со холандскиот дефанзивец Свен Ботман.

Агентот на Свен Ботман, Ник Бруинберг вчера беше во Милано на состанок со раководството на „росонерите“ и наводно бил постигнал комлетен договор за личните услови.

Ботман е еден од најбараните дефанзивци во Европа и на лето сигуно ќе го напушти Лил, а Милан сака да ја победи конкуренцијата.

22-годишниот Холанѓанец игра фантастично во дресот на Лил и се промовираше во еден од најдобрите млади дефанзивци, а во јануари одби богата понуда од Њукасл.

Ботман постигнал договор со Милан за 5-годишна соработка и годишна плата од 2,5 милиони евра.

Италијанскиот клуб наскоро ќе започне преговори со Лил и се очекува двете страни да најдат договор за трансфер од 30 милиони евра плус бонуси.

🚨MILAN, BOTMAN AGREEMENT 🚨

Milan have agreed to a deal with Lille defender Sven Botman. It will be a 5 year contract for €2.5M/a year.(@NicoSchira) pic.twitter.com/5ixfDb6BOl

— Inside Milan (@_InsideMilan) February 10, 2022