Конечно го напушта Челси: Рахим Стерлинг се сели во лондонски ривал!?

Рахим Стерлинг наскоро би можел да стане нов член на Фулам.

Англиските медиуми открија денеска дека Стерлинг одбил да се приклучи на Вест Хем, и дека го избрал Фулам и наскоро би можел да го засили тимот на Марко Силва.

Стерлинг беше отфрлен од летото, по враќањето од неуспешната позајмица во Арсенал, но Енцо Мареска повторно го отпиша.

Стерлинг сакаше да остане во Премиер лигата, иако имаше понуди од Саудиска Арабија, но Вест Хем не беше негова прва опција.

Се очекува Стерлинг да го засили Фулам, но исто така тоа може да значи и заминување на Адама Траоре. Интересно, тој тогаш ќе стане опција за Вест Хем, кој по секоја цена сака да го засили нападот.

Стерлинг оваа сезона нема одиграно ниту еден меч за Челси, додека Адама одигра 12 во Премиер лигата, но само како резервист, додека беше стандарден само во Лига купот во кој одигра четири натпревари.