Јувентус кој веќе седум години доминира во Италија со ангажманот на Кристиано Роналдо создаде уште посилен тим и поради тоа на ривалите им е јасно дека мораат да се засилуваат доколку сакаат да бидат конкуретни на „старата дама“.
Првиот одговор „бјанконерите“ би можеле да го добијат од Наполи кој предводен од Карло Анчелоти нема намера предвреме да се предаде.
Од неколку парчиња пелени до успешен бизнис - Приказната за Балон Твистер ↓↓↓
Како што пренесуваат италијанските медиуми тимот на Наполи е спремен да го врати во Италија поранешниот фудбалер токму на Јувентус, Чилеанецот, Артуро Видал. Според информациите, Видал не е задоволен во Баерн и сака нов предизвик, а од Наполи наводно веќе ја спремила првата понуда која би изнесувала околу 30 милиони евра.
Тоа е прилично висока сума ако се знае дека Видал влегува во последната година од својот договор.
Покрај Видал, голема желба на Анчелоти е и Анхел Ди Марија кој веќе претходно се поврузваше со трансфер во Серија А, но во редовите на Интер.
Медиумите во Италија пишуваат дека Анчелоти лично стапил во контакт за Аргентинецот кој во овој момент е проценет на сума од околу 40 милиони евра.
Учество во игри на среќа е дозволено за лица со 18+ години. Играј одговорно!