ФРАНЧЕСКО КАЛЗОНА (55) е нов тренер на Наполи до крајот на сезоната. Калзона паралелно ќе ја води и репрезентацијата на Словачка, чиј селектор е од 30 август 2022.
Словаците се согласија на оваа комбинација, па Калзона ќе биде на клупата на ЕП.
До кога ќе дишеме отровен воздух!? | Уште еден поткаст
Калзона работеше исклучиво како помошник тренер до 2022 година. Така беше во Перуџа, Алесандрија, Соренто, Емполи, Каљари, но и Наполи од 2015 до 2018 година. Тој во Наполи во сезоната 2021/2022. бил и технички директор. На клупата ќе го наследи Валтер Мацари (62) кој го предводеше Наполи од 14 ноември 2023 година.
Во 17 натпревари, Мацари оствари шест победи, три нерешени и осум порази. Прв тренер на Наполи оваа сезона беше Руди Гарсија (59), кој доби отказ по осум победи, четири нерешени и четири порази.
Наполи е актуелен италијански шампион, а во среда ја пречекува Барселона во првиот осминафинален натпревар од Лигата на шампионите.
Учество во игри на среќа е дозволено за лица со 18+ години. Играј одговорно!