Нагелсман ги загуби нервите, па тргнал да ги тепа судиите

Баерн Минхен доживеа непријатен пораз (3-2) од Борусија Менхенгладбах, кој може да го чини шампионот пад на второто место на табелата.

Тренерот Јулијан Нагелсман, не го прифати најдобро судењето на овој меч, па според „Билд“ дивеел во соблекувалните и се обидел да ги нападне судиите.

Тој ги загубил нервите и со тупаница чукал на вратата од судиската соблекувална, а потоа и влегол внатре да се објаснува.

„Емоциите се дел од спортот, но морам да се извинам за изборот на зборови што му ги упатив на судијата Тобијас Велш и на неговите помошници. За жал, отидов предалеку“, изјави Нагелсман, кој може да биде казнет.