На полувремето вчера имало инцидент? Што направил Симеоне?

Лајпциг вчера за првпат во својата историја се пласираше во едно полуфинале од Лигата на шампионите, „биковите“ беа подобри од Атлетико со 2:1.

Олмо го отвори резултатот, потоа Феликс донесе изедначување за Атлетико со гол од пенал за во финишот од средбата Адамс да погоди за историско полуфинале за германскиот тим.

Во разговор со новинарката Брита Хофман Јулијан Нагелсман откри дека на полувремето имало некаков инцидент.

„Освен инцидентот на полувремето се беше во ред. Симеоне е голем победник, па сака да победи и на патот до соблекувалната“.

Новинарката потоа го праша што се случило?

„Нема да откријам детали, има камери се беше снимено“.

Хофман беше упорна, па запраша дали во прашање бил неспортски потег.

„Јас не би направил такво нешто, меѓутоа возрасни луѓе сме и секој одговара за своите постапки“, заврши Нагелсман.

Треба да се спомене дека на крајот од натпревар сепак Симеоне му честиташе на Нагелсман за успехот.