Мурињо: Прашајте го Погба зошто игра толку лошо

Медиумите ширум Европа со месеци пишуваат дека Жозе Мурињо и Пол Погба се во лоши односи.

„Специјалниот“ постојано ги демантираше таквите натписи и го бранеше Погба поради лошите партии, но сега го загуби трпението.

„Прашајте го него зошто игра толку лошо. Кога ќе имате прилика прашајте го што мисли за својата форма. Убеден сум дека е целосно здрав после повредата ан мускулот во ноември. Тоа беше тешка повреда, но се опорави“, порача Мурињо.

Погба постигна фантастичен гол за француската репрезентација, меѓутоа во Манчестер и понатаму чекаат да „блесне“.

„Неговата повреда требаше да се реши со операција, но тој сакаше конзервативно лечење. Во моментов е целосно опоравен и таа повреда не може да има влијание на неговите партии во моментов“, додаде Португалецот.