Мурињо му честита на Сити и предупреди: Знам како се освојуваат титули!

Менаџерот на Манчестер Јунајтед, Жозе Мурињо откри дека лично му честитал на Манчестер Сити за освоената титула во Премиер лигата.

Мурињо потенцираше дека „граѓаните“ го освоиле првенството не поради киксот на „црвените ѓаволи“ од ВБА, туку затоа што биле најдобриот тим.

„Не знам дали бев првиот, вториот или третиор, но јас лично им ја честитав титулата. Знаев дека порано или покасно ќе станат шампиони. Не е точно дека станаа шампиони затоа што Манчестер Јунајтед изгуби од ВБА, туку затоа што беа најдобриот тим оваа сезона“, изјави Мурињо.

Запрашан дали ќе го предизвика Сити за следната сезона, Мурињо одговори:

„Верувам во својата работа и знам како се освојуваат титули. Имам три во Премиер лигата, и тоа последната не беше пред 20 години, туку пред три години. Верувам во себе си, но не играм јас. Титули се освојуваат со квалитет, но и континуитет. Една од работите кои треба да ги подобриме за следната сезона е континуитетот“, заклучи „Специјалниот“.