Мурињо го купува најталентираниот напаѓач во светот!

Жозе Мурињо не ја започна баш најдобро сезоната со Манчестер Јунајтед, а медиумите најавуваат нови засилувања во зимскиот преоден рок.

Во јануари ќе биде направена „чистка“ на „Олд Трафорд“, на многу фудбалери ќе им биде покажана излезната врата, а еден од оние кои би можеле да дојдат како засилување е ѕвездата на Селтик, Муса Дембеле.

Дембеле игра феноменално оваа сезона и веќе има постигнато 14 гола вклучително и двата гола против Сити, со кои го привлече вниманието на многу европски гиганти.

Скаутите на Манчестер Јунајтед веќе подолго време го следат младиот напаѓач и сакаат да го донесат на „Олд Трафорд“ уште во јануарскиот преоден рок.

Секако дека ќе биде тешко да се убеди Селтик да ја продаде својата ѕвезда, но „црвените ѓаволи“ спремаат спектакуларна понуда.