Модриќ добро ги подучил соиграчите: Марсело му честиташе на – хрватски!

Играчот за врска на Реал Мадрид, Лука Модриќ вчера ја освои „Златната топка“ која ја доделува „Франс Фудбал“.

Денес Хрватот престижната награда ја донесе во Мадрид и сосема очекувано доби честитки од сите во клубот, а една од најинтересните сигурно ја доби од Бразилецот Марсело.

Пораката не посебна по својата содржина, туку по тоа што е напишана на хрватски јазик.

„Лукита…Ти си мојот постар брат. Знам колку се трудеше да стигнеш до ова неверојатно чеуство! Пресреќен сум за тебе мој Лука“, напиша Марсело под фотографијата со Модриќ.