Минимано отвори со мајсторија, Маунт изедначи од пенал – Саутемптон го запре „залетаниот“ Челзи! 🎥

Денес во терминот од 13:30 во рамките од 25. коло во Премиер лигата се сретнаа екипите на Саутемптон и Челзи.

Саутемптон успеа да ја прекине серијата од пет победи на Челзи и одигра 1:1. Челзи добро го започна натпревар и изгледаше дека има контрола, но тогаш домаќините од првата посериозна прилика дојдоа до предност.

До водство ги доведе Минамино кој после една контра мајсторски се ослободи Азпиликуета и го матираше Менди. Со предност од 1:0 Саутемптон замина на полувреме.

Челзи резултатот успеа да го изедначи во 54. минута кога Мејсон Маунт ја реализираше најстрогата казна. До крајот на мечот видовме уште некоја прилика, меѓутоа резултатот не се промени.

Со ова реми Челзи останува на четвртата позиција со 43 освоени бодови, Лестер и Јунајтед пред него имаат 46, Вест Хем на петтата позиција 42, а Ливерпул е шести со 40. Со тоа што овие екипи допрва ќе ги играат своите натпревари од 25. коло.