Миланско дерби за ѕвездата на Манчестер Јунајтед

Италијанските медиуми пренесуваат дека Милан и Интер се сериозно заинтересирани за играчот на Манчестер Јунајтед, Дони ван де Бек.

Холанѓанецот минатото лето пристигна на „Олд Трафорд“, но не успеа да го покаже својот потенцијал во првата сезона и често ја грееше клупата за резерви.

Иако силно се шпекулираше дека ќе го напушти клубот ова лето, сепак Ван де Бек одлучи да остане и да се бори за место во тимот.

Меѓутоа, неговиот агент потврди дека Холанѓанецот е спремен да ја промени средината во јануари, а миланските клубови сакаат да ја искористи таквата ситуација.

Милан и Интер се спремни да го донесат играчот на позајмица со право на откуп.