Милан ќе ги откупи Тонали и Меите

Раководството на Милан донесе одлука да го откупи Сандро Тонали и Суалихо Меите, играчи кои играат под наем на „Сан Сиро“.

„Росонерите“ го донесоа 20-годишниот Тонали од Бреша минатото лето на позајмица за 10 милиони евра. За да го откупои во целост неговиот договор Милан ќе треба да плати додатни 20 милиони евра, а миланскиот гигант сигурно ќе ја активира таа опција.

Кога станува збор за Меите, тој пристигна во јануари на позајмица од Торино и „росонерите“ имаат опција да го откупат за 8 милиони евра. Французинот веќе одигра 16 меча за Милан и задоволи со своите игри, па клубот ќе го откупи на крајот на сезоната.