Италијанските медиуми пренесуваат дека Милан победил во траката за играчот на Шалке, Сеад Колошинац и го обезбедил потписот на италијанскиот репрезентативец.
23-годишниот Колошинац е еден од најдобрите бекови во Бундес лигата оваа сезона и за него силен интерес покажаа неколку европски гиганти, меѓу кои Јувентус, Манчестер Сити, Арсенал…
Вардар, Работнички, Силекс, Шкендија – Кој ќе блесне во Европа!? ↓↓↓
Неговиот договор со Шалке истекува на крајот на сезоната, па Колошинац ќе биде слободен агент, што го прави уште поатрактивен за европските гиганти.
Последните информации од италијанските медиуми говорат дека Милан ја победил конкуренцијата и постигнал договор со босанскиот репрезентативец кој може да игра и како лев бек и како играч за врска.
Имено, Колошинац на крајот на сезоната ќе се пресели на „Сан Сиро“ и ќе потпише четиригодишен договор со „росонерите“ според кој ќе заработува 2 милиони евра по сезона.
„Газета дело Спорт“ пренесува дека Колошинац и Мусакио ќе бидат првите засилувања за следната сезона и со тоа „росонерите“ значително ќе ја засилат одбраната.
Учество во игри на среќа е дозволено за лица со 18+ години. Играј одговорно!