Милан и Чалханоглу далеку од договор

Милан игра одлично во последно време, а еден од најдобрите поединци кај „росонерите“ е Хакан Чалханоглу.

Тренерот Пиоли му ја најде вистинската позиција на теренот, па Чалханоглу конечно го покажа својот потенцијал.

Неговиот договор со Милан истекува следното лето, но „росонерите“ сакаат да го задржат по секоја цена, и веќе подолго време водат преговори со неговиот агент.

Двете страни се далеку од договор. Милан нуди четиригодишен договор со плата од 3,5 милиони евра по сезона, додека агентот бара минимум плата од 5 милиони евра.

Во наредните денови агентот ќе пристигне во Милано на финални преговори и се очекува Милан да ја подобри понудата за да постигне договор со играчот.

#Milan, fissato il nuovo summit con l'agente di #Calhanoglu per il rinnovo: le ultime https://t.co/KkQVACc0bX pic.twitter.com/mqD8cWRb9P

— calciomercato.com (@cmdotcom) January 8, 2021