Милан денес слави роденден: Грандиозно дефиле на легендите на „Сан Сиро“

Италијанскиот гигант Милан денес на мечот против Сасуоло ќе го прослави својот 120-ти роденден.

Седумкратниот европски шампион е формиран на 30-ти декември 1899 година,  а на денешниот меч ќе започне јубилејната прослава која ќе се одбележува цела една недела.

На полувремето, на теренот треба да се појават многу клупски легенди, вклучувајќи ги Дејан Савиќевиќ, Звонимир Бобан, Паоло Малдини, Алесандро Костакурта, Жан-Пјер Папен, Пипо Инѕаги, Даниеле Масаро, Деметрио Албертини и други, а од тренерите ќе се појават Ариго Саки, Фабио Капело и Масимилиано Алегри.

Карло Анчелоти поради оправдани причини нема да може да присуствува на церемонијата, но преку социјалните мрежи испрати честитики до клубот каде имаше голем успех како играч и тренер.

На „Сан Сиро“ денес ќе биде и легендарниот претседател на „росонерите“ Силвио Берлускони.

Buon compleanno Milan!! Non sei più un ragazzino, ma i ricordi, i trionfi, la passione e l‘amore che tante persone provano per te, ti faranno essere per sempre giovane. #SempreMilan pic.twitter.com/6JnRF8CC2g

— Carlo Ancelotti (@MrAncelotti) December 15, 2019