Металург со гостинска победа, падна Чеховски Медведи

Ракометарите на Металург ја остварија првата гостинска победа во Лигата на шампионите откако со 32:26 славеа на гостувањето кај Чеховски Медведи.

Првиот дел од мечот донесе израмнета игра на двете страни, во која Чеховски Медведи имаше предност од еден или два гола, а во финишот Металург успеа да ја анулира негативата.

Домачинот подобро влезе во вториот дел создаде два гола предност (19:17) во 34-та минута, кога започна серијата на Металург. Предводени од голманот Томовски, играчите на Александар Јовиќ го подигнаа нивото на игра во одбраната и во наредните 12 минути со серија од шест гола го презедео водството (19:23).

До крајот на мечот Металург рутински ја сочува предноста за конечен триумф 32:26.

Голманот Томовски имаше 11 одбрани, а најефикасни беа Јагањац со 9, Пешевски со 6 и Анѓелиќ со 5 гола.