„Меси не трчаше во одбраната, поради него примавме многу голови“

Лионел Меси вчера беше промовиран како нов играч на ПСЖ и тоа донесе голема еуфорија во Париз, а тага во Барселона, сепак Кике Сетиен, човекот кој не се прослави во Каталонија како тренер му најде забелешка на Аргентинецот.

Сетиен тренер на Барселона беше од јануари до август 2020 година, доби отказ по поразот од Баерн Минхен со 8:2.

„Во Барселона затекнав ситуација каква што немав видено 30 години, во соблекувалната немаше добра атмосфера. Често се прашував дали такво нешто ми требаше. Меси со своите мајстории знаеше да решава мечеви, но не сакаше да трча и поради него примавме голови. Тоа беше навистина проблем за екипата“, изјави Сетиен.

Сепак, тешко дека овие зборови на Сетиен некој ќе ги сфати сериозно, Меси во Барселона помина 21 година, а тој се задржа на клупата неколку месеци и не освои ништо.