Мбапе, Рудигер и ѕвездата од Серија А: Ова е списокот на Анчелоти

Реал Мадрид игра одлична сезона, ја освои титулата во Примера и се пласира во финале од ЛШ, но веќе спрема големи засилувања за следната сезона.

На лето сигурно ќе има големи промени во тимот, неколку фудбалери ќе заминат како Герет Бејл, Азар, Иско… а Анчелоти составил список од три големи засилувања.

Најголемо засилување секако треба да биде Килијан Мбапе, а „кралевите“ се блиску до договор и со Антонио Рудигер, кој исто така ќе пристигне како слободен агент.

Анчелоти сака да го засили средниот ред, а најголема желба е шпанскиот репрезентативец Фабиан Руиз.

Шпанецот игра фантастично во Наполи, Анчелоти одлично го познава и смета дека би бил идеален наследник на Модриќ.