Мбапе може и да остане – Дали ова е знак?

Ѕвездата на француски Монако е една од главните теми ова лето.

Монако минатата сезона ја воодушеви фудбалската јавност ширум Европа со одличните настапи како во Лигата на шампионите, така и во француското првенство.

Францускиот клуб успеа да стигне од полуфиналето од Лигата на шампионите, а домашното првенство успеаа и да го освојат, постигнаа повеќе од 100 погодоци и беа една од најефикасните екипи на „стариот континент“.

Сепак уште на стартот на летото тимот започна да се распаѓа, Бернардо Силва премина во Манчестер Сити, а на чекор од заминување се Менди, Фабињо и Бакајоко.

Сепак и покрај нив најмногу се пишуваше за суперталентираниот Килијан Мбапе. Реал е сериозно заинтересиран и во Мбапе гледаат голем потенцијал и иден предводник на новиот „Галактикоси“.

Арсенал и Ливерпул исто така покажаа интерес, дури наводно и испраќаа официјални понуди до Монако, но истите беа одбиени.

Но, според новите случувања изгледа дека Французинот би можел да остане во Монако. Имено, Монако ги претстави дресовите за наредната сезона, а главен модел беше токму младиот Килијан Мбапе.

Дури младиот фудбалер ја постави фотографијата и на Твитер. Покрај Мбапе место на сликата добија Фалкао, Тома Лемар, Џибрил Сидибе, како и новајлијата Јури Тилеманс.

Nouveau maillot domicile @NikeFootball pour la saison 17-18… on est fin prêts ?⚪? pic.twitter.com/oRYOSYhfwB

— Kylian Mbappé (@KMbappe) June 30, 2017