Матераци: Одбраната на Милан е силна, но Икарди е Икарди!

Поранешната ѕвезда на „нероаѕурите“, Марко Матераци го најави миланското дерби меѓу Интер и Милан кое на програмата е овој викенд.

Легендарниот дефанзивец смета дека натпреварот на „Сан Сиро“ ќе го одлучи Мауро Икарди во полза на „нероаѕурите“.

„Кој ќе го одлучи дербито? Или Икарди или некој дефанзивец. Точно е дека одбраната на Милан е многу силна и многу подобра во однос на минатото дерби, но Икарди е Икарди“, изјави Матераци кој упати и критика на сметка на својот поранешен клуб.

„Фудбалерите на Интер мора да го прават тоа што го прави Милан под водство на Гатузо – да играат со срце. Ако се прашувам јас на играчите ќе им пуштам снимка од мечот против Киево кога победивме со 5:0, да видат што се случува кога ќе се остави срцето на терен“, смета Матераци.

Оваа сезона миланските гиганти веќе одиграа две дербија, тоа во Серија А им припадна на „нероаѕурите“, а во Купот славеа „росонерите“.