Марио секогаш оригинален: Двојно убиство, па „Златната топка“

Кога дебитираше за Интер, никој не се сомневаше во него, очекуваа големи работи.

Но, се покажа дека само талентот не е доволен, сега се обидува да ја оживее кариерата, имаше добра сезона во Ница, но далеку од тоа дека е помеѓу најдобрите во светот. Прогнозите беа дека би можел да стигне до „Златната топка“, сепак Марио е одалечен светлосни години од такво нешто.

„Не направив доволно, ќе морам повеќе, но пред се ќе морам да ги убијам Роналдо и Меси, после се ќе биде полесно“, во свој стил прокоментира Балотели.

Останува да видиме каде иднината ќе го однесе, се споменуваат неколку клубови, договорот со Ница му истекува ова лето, а во францускиот клуб постигна 15 погодоци на 23 натпревари.