![](https://sportski.mk/wp-content/uploads/2016/11/21.11nole1.jpg)
Енди Мари со 2:0 го победи Стен Вавринка и како првопласиран обезбеди место во полуфиналето, што му овозможи да го избегне Новак Ѓоковиќ.
Швајцарскиот тенисер беше достоен ривал само во првата половина од првиот сет, но Мари го направи првиот брејк при резултат 3-3, по што целосно го контролираше мечот. Првиот светски рекет најпрвин го доби сетот со 6-4, за потоа на стартот од вториот сет да направи два брзи брејка за водство од 4-1, трасирајќи си го патот до 22. победа во низа (6-4, 6-2).
Лига Нации: Се освен прво место ќе биде катастрофа за Македонија! ↓↓↓
Следен противник на Мари во полуфиналето ќе биде Милош Раониќ, додека во вториот дуел Новак Ѓоковиќ ќе се сретне со Кеи Нишикори.
Ѓоковиќ и Мари ќе водат битка и за првото место на АТП листата, па Британецот ќе мора да биде барем еднаков со Ѓоковиќ за да ја заврши 2016 на првото место.