Манчестер Јунајтед се вклучи во трката по Чилвел

Левиот бек на Лестер Бен Чилвел, е голема желба на Челзи, а сега во трката за неговиот потпис се приклучи и Манчестер Јунајтед.

Но, трансферот воопшто нема да биде ефтин, бидејќи се проценува дека Чилвел има поголема вредност од Магваер, за кој минато лето Манчестер Јунајтед плати 87 милиони евра.

Сепак, поради финансиските загуби од пандемијата, Лестер е спремен да го  пушти Чилвел доколку пристигне понуда од 60 милиони фунти.

Челзи важеше како фаворит за потписот на Чилвел, но после скапиот трансфер на Тимо Вернер „сините“ не се во можност да потрошат голема сума за ѕвездата на Лестер.

Тоа сака да го искористи Манчестер Јунајтед и да го „украде“ играчот пред носот на големиот ривал.