Манчестер Јунајтед на продажба, цената е „ситница“

Славниот англиски фудбалски клуб Манчестер Јунајтед може да добие нови сопственици.

Семејството Глејзер има намера да го продаде Јунајтед после силните протести на навивачите и генерално сите случувања околу Суперлигата. Поради тоа Глејзер е подготвен заедно со братот да му го препуштат клубот на некој друг.

Оваа информација денеска ја пренесува британски Мирор, кој тврди дека Американците се консултирале со советниците со желба да ја забрзаат постапката за продажба.

Семејството Глејзер го купи Јунајтед пред 16 години за 900 милиони евра, а денеска за клубот бара дури пет милијарди. Тие пред некое време добија понуда од Азија за четири милијарди евра но тогаш одбија продажба на Јунајтед.