Манчестер Јунајтед и Баерн Минхен го сакаат Верати

Марко Верати сака ова лето да го напушти ПСЖ и веќе има договор со Ал Ахли од Саудиска Арабија.

Верати е незадоволен од ситуацијата во клубот и смета дека сега е вистински момент за трансфер, а ПСЖ нема да му стои на патот.

Сепак, може да се одлучи да остане во Европа, бидејќи силен интерес за него покажуваат два европски гиганти.

Манчестер Јунајтед и Баерн Минхен се вклучија во трката за негов потпис и ќе го убедуваат да не оди во Саудиска Арабија.

ПСЖ за неговата слобода бара 40 милиони евра, сума која споменатите клубови нема да имаат проблем да ја платат.