Манчестер Сити ќе се раздели со пет ѕвезди

Манчестер Сити се уште се бори за три титули оваа сезона, но веќе размислува за мала реконструкција на тимот на лето.

Англиските медиуми пренесуваат дека Гвардиола на лето ќе му ја отвори излезната врата на пет ѕвезди, а станува збор за Гунгоган, Бернардо Силва, Емерик Лапорт, Кансело и Скот Карсон.

Договорот на Гундган истекува на крајот на сезоната и „граѓаните“ решиле да не му понудат нов договор на 32-годишниот Германец туку да го заменат со помлад фудбалер, а прва желба е Џуд Белингам.

Кансело и Лапорт се незадоволни и за нив повеќе нема место во тимот. Португалецот може да остане во Баерн, додека шпанскиот репрезентативец веќе си бара нов клуб.

Што се однесува до Бернардо Силва, тој веќе изрази желба да ја промени средината, а Сити нема да му стои на патот и одреди цена од 80 милиони фунти.