Малдини започна преговори со Дибала

Ѕвездата на Јувентус, Пауло Дибала на лето ќе биде слободен агент, па битката за неговиот потпис веќе започна.

Долго време се шпекулираше дека Дибала може кариерата да ја продолжи во Интер, но италијанските медиуми тврдат дека Аргентинецот преферира преселба во Милан.

Последните информации се дека Малдини стапил во контакт со неговиот агент Антун за да ги дознае финансиските барања на Дибала.

Аргентинецот бара 7,5 милиони евра по сезона, додека „росонерите“ се спремни да му понудат 6,5 милиони. Разликата не е голема па двете страни можат да постигнат договор во наредните денови.

Милан во последно време има проблем со постигнување голови, па Малдини смета Дибала би бил идеално засилување за нападот.