Македонско дерби во Серија А: Елмас по нова победа, Пандев по први бодови

По победата на отварањето на сезоната во тешки околности, Наполи се среќава со Џенова во второто коло од Серија А сезона – барајќи нова победа пред меѓународната пауза.

Додека избраниците на Лучијано Спалети успеаја да ја совладаат Венеција и покрај рано добиениот црвен картон, нивните денешни домаќини беа поразени од бранителот на титулата Интер, на Сан Сиро со високи 4:0.

Наполи тргна по рушење на офанзивни рекорди

Кога напаѓачот Виктор Осимен беше испратен во соблекувалната уште во почетната фаза од првиот натпревар на Наполи, се чинеше дека надежите за позитивен почеток на сезоната под водство на нов менаџер се мали.

Откако Лоренцо Инсиње промаши пенал, новиот шеф Лучијано Спалети беше видно разочаран, но сепак се извади со гол во 62-та минута, пред македонскиот репрезентативец Елиф Елмас да ги постави конечните 2:0 11 минути подоцна.

Спалети сега ја предводеше својата нова екипа до седум последователни победи, вклучително и пријателските натпревари пред сезоната.

Тие сигурно го задржаа својот напаѓачки импулс од минатата сезона, бидејќи Наполи постигна гол во 27 натпревари по ред едноподруго што е клупски рекорд. Во историјата на Серија А, само Јувентус и Милан постигнаа гол во 28 последователни дуели. Рушење на тој рекорд е дополнителен мотив за нив пред овој меч.

И покрај моќноста во шеснаесетникот, Наполи не успеа да се пласира во Лигата на шампионите на крајот од минатата сезона, а оваа недела на ждрепката во Лига Европа ги смести во група со Лестер, Спартак Москва и Легија Варшава во потенцијално предизвикувачката група Ц. Затоа освојувањето на бодови рано во шампионатот е од голема важност за нив.

Товарот во нападот останува на Пандев

Два гола помалку за 14 минути против Интер минатата сабота, значеа очекуван пораз. Откако ги прими головите во раната фаза, сето останато беше само доигрување на мечот. Во вториот дел примија уште два гола за убедлив пораз.

Тренерот Давиде Балардини никогаш не издржа повеќе од 40 натпревари во еден клуб, а сега ќе го игра 28 меч од неговото назначување минатиот декември. Тежок е распоредот за Џенова, која има за цел да ја избегне борбата за опстанок. За таа цел дојдоа неколку добри засилувања, но сеуште Горан Пандев, иако на 38 години го носи најголемиот товар во нападот, особено по заминувањето на Елдор Шомуродов и Џанлука Скамака ова лето.

Поранешниот напаѓач на Лидс, Калеб Екубан беше донесен од Трабзонспор за да го олесни товарот и тој се надева дека својот прв старт во Серија А ќе го има денес.