Македонската сениорска боксерска репрезентација од денеска до 21 април ќе настапи на силниот меѓународен турнир „Белградски победник 2019 – меморијал Бранко Пешиќ“. Нашиот национален тим ќе го претставуваат четворица боксери.
На турнирот ќе настапат Џан Демиров во категоријата до 52 кг, а потоа Јасим Љама во категоријата до 60 кг, Гоце Јанески ќе се натпреварува во категоријата до 69 кг и Арсим Етеми во категоријата до 75 кг. Репрезентацијата ја предводат селекторот Петре Чурлинов и тренерот Ристе Мицевски.
До кога ќе дишеме отровен воздух!? | Уште еден поткаст
Квалификациите започнуваат денеска во салата „Пинки“ во Земун, финалните борби ќе се одржат во салата „Шумице“ на Вождовац на 20 април.
На овој престижен турнир со долга традиција, ова е 57. издание, ќе настапат боксери од 100 земји од целиот свет, покрај боксерите од Македонија ќе учествуваат и репрезентации од Русија, Шкотска, Канада, Полска, Германија, Франција, Хрватска…
Учество во игри на среќа е дозволено за лица со 18+ години. Играј одговорно!