Репрезентацијата на Македонија не успеа да направи изненадување против фаворизираната Данска и со трет пораз го заврши настапот на Европското првенство.
Македонија имаше одлично отворање на натпреварот со 4:0, но потоа Данска заигра на повисоко ниво и брзо ја анулира предноста.
Исхрана, повреди и тренинг – совети од доктор по спортска медицина | Уште еден поткаст
Во 16-та минута од натпреварот Данците дојдоа до првото водство на натпреварот од 6:5. До крајот на полувреме ја одржуваа предноста и на одмор Данска замина со предност од 12:9.
Во второто полувреме дојде до израз квалитетот на светскиот шампион, кој и со комбиниран состав беше пресилен за Македонија и ни нанесе убедлив пораз.
Данците во еден момент имаа и 12 гола разлика, а на крајот победија со конечни 31:21.
Жарко Пешевски со шест од шест беше најпрецизниот во македонскиот табор, Талески и Мишевски имаа по три гола.
Учество во игри на среќа е дозволено за лица со 18+ години. Играј одговорно!