Лукаку објасни зошто ги славел головите со Конте

Интер денес славеше со 4:3 во луд натпревар на „Реџо Емилија“ против Сасуоло.

Со оваа победа Интер се врати на бод од лидерот Јувентус, а посебно расположен за игра беше Ромелу Лукаку кој како и Мартинез постигна два гола.

Меѓутоа иако Интер водеше со 4:1 на крајот стравуваше за победа бидејќи Сасуоло стигна до 4:3.

„Се беше совршено во првиот дел, но второто полувреме не донесе најдобра игра. Требаше се да биде решено при 3:1 или 4:1. Не знам зошто се доведовме во таква ситуација“, изјави Лукаку.

Поранешниот напаѓач на Манчестер Јунајтед головите ги славеше така што истрча во прегратка на Антонио Конте.

„Конте и јас сме тимски играчи и кога ќе постигнам гол сакам да го прославам со сите. Давам се од себе на секој натпревар сакам екипата да победува“, порача Белгиецот после натпреварот.