„Лордот“ Бентнер има нов клуб – се сели во Норвешка!

Некогашиот фудбалер на Арсенал, Николас Бентнер го напушти Нотингем Форест, каде настапуваше оваа сезона и се пресели во Норвешка.

Имено, Бентнер ќе настапува за тамошниот шампион Розенборг. Напаѓачот вчера потпиша трогодишен договор и го задолжи дресот со број девет.

Бентнер во кариерата играше за Арсенал, Јувентус, Волфсбург, Бирмингем, а последно настапуваше во Нотингем Форест каде оваа сезона постигна два гола на 17 настапи во Чемпионшип.

Бентнер своевремено, додека настапуваше за Арсенал, важеше за еден од најголемите таленти, но неговата кариера тргна во надолна линија и константно е попратена со контроверзи.

❤⚽ Nicklas Bendtner signs for Rosenborg BK ❤⚽ Let that sink in. Good night ?? pic.twitter.com/GRcw6oxsNo

— Cowboypus (@Cashfan78) March 7, 2017