Логично објаснување: Еве зошто топката отскокнува пред шутот на Роналдо

Голема „прашина“ во медиумите крена вчерашниот пенал на Кристиано Роналдо во натпреварот против Пари Сен Жермен.

Во прв момент не беше ништо чудно, но после повторената снимка можеше да се забелжи дека топката отскокнува од теренот пред Роналдо да шутне.

Пеналот на Роналдо можете да го видите ТУКА.

Утрово со својата изјава излезе и поранешниот соиграч на Роналдо од Манчестер Јунајтед, Рио Фердинанд кој смета дека нема никаква случајност, како и дека Роналдо го тренирал уште во времето кога биле соиграчи.

Оваа теорија на Фердинанд се поклопува со теоријата на шпанскиот реномиран весник „АС“. Според „АС“ Роналдо со левата нога силно стапнува во непосредна близна на топката со што предизвикува вибрации на тревата, па топката се поткренува пред тој да ја упати кон противничкиот гол.

Секако, во овој потег нема ништо што ги прекршува правилата бидејќи шутот на Роналдо е единствениот допир.