Ливерпул збесна: Поради телевизијата Сити има подобар распоред!

Навивачите на Ливерпул „полудеа“ откако беше објавен распоредот на натпреварите за месец март во англиската Премиерлига.

Се појави распоредот за март месец, кој се прилагодува на телевизиските термини, па очигледно е дека тој му дава психолошка предност на Манчестер Сити.

Имено, Ливерпул сите свои натпревари во март ги игра после Манчестер Сити. Тоа е психолошка предност во трката за титулата, бидејќи „црвените“ цело време ќе го „бркаат“ Сити.

Во вкупно четири кола, кога многумина тврдат дека се решава титулата, зашто Ливерпул гостува кај Евертон, па го чека Тотенхем, „црвените“ ќе играат после „граѓаните“.

Навивачите на Ливерпул сметаат дека постои заговор против нивниот клуб, но едноставно мечевите се прилагодени на телевизиските термини.