Легендата предупредува: Јунајтед не смее да го продаде Погба!

Легендата на Манчестер Јунајтед, Рио Фердинанд го предупреди својот поранешен клуб да не го продава Пол Погба и покрај силниот интерес на Барселона.

Манчестер Јунајтед ја одби првата понуда на Барселона, но медиумите пишуваат дека Каталонците спремаат нова понуда од 100 милиони фунти.

Наводно Мурињо е спремен да ја прифати понудата, доколку успее да го ангажира Милинковиќ-Савиќ од Лацио (види ОВДЕ).

„Вудворд не смее да помисли да го дозволи тоа. Јунајтед е домот на Погба. Мора клубот да се огласи и да ги стиши шпекуалциите. Притоа, да го доведе Алдервајлед“, му порача Фердинанд на потпретседателот на клубот.

Кога станува збор за Алдервајлед, Тотенхем ги одби сите понуди за Белгиецот, иако во договорот има клаузула според која следното лето може да замине за 25 милиони евра.