Легендата на Ливерпул: Кутињо ја загуби маѓијата!

Поранешниот играч на Ливерпул, Џејми Реднап смета дека губењето на маѓијата на Кутињо е главна причина заостана во шампионската трка.

Бразилецот се запиша во листата на стрелците само еднаш во изминатите 13 меча, па Реднап му порача на Клоп да пронајде начин да му ја врати формата на Кутињо.

„Во овој момент единствената грижа за мене е Филипе Кутињо. Брилјираше во првиот дел од сезоната, навистина праваше разлика на теренот. Но, маѓијата се загуби некаде и потребно е да се врати. Тоа е работа на тренерот“, изјави Реднап кој за „црвените“ има одиграно 237 натпревари.

Дека најдобриот играч на Ливерпул е во пад на формата покажува и фактот што во 60-та минута на дуелот со Барнли беше заменет од 17-годишниот Бен Вудборн.