Легендарниот Пипо: Несторовски треба да игра во Серија А

Еден од најдобрите напаѓачи во историјата на италијанскит фудбал, Пипо Инзаги имаше посебен коментар за нашиот репрезентативец Илија Несторовски.

Несторовски е најдобар голгетер на Палермо и често на Апенините го споредуваат со легендарниот Пипо Инзаги.

Во следното коло Палермо ќе игра против Венеција, која е предводена токму од Инзаги.

„Палермо е квалитетен тим составен од неколку одлични играчи. Но, прво име што ми паѓа на памет е Илија Несторовски. Тој е фудбалер кој заслужува да игра во Серија А, сите ги знаеме неговите голгетерски квалитети. Минатата сезона одигра фантастична сезона во Серија А, а ништо послаб не е ниту оваа“, вели Инзаги.