Леванте чека Барди да блесне на ЕП за добро да заработи

Шпански Леванте се надева дека македонскиот репрезентативец Енис Барди ќе одигра добро Европското првенство за Македонија.

За заминување на Барди од Леванте се шпекулира веќе некое време, а во овој момент неговата цена на трансфер пазарот е околу 15 милиони евра. Во Леванте се надеваат дека Македонија ќе одигра добро Европско првенство со цел да ја крене цената.

„Леванте многу зависи од настапот на македонскиот репрезентативец кој одигра добро и ако блесна сигурно повеќе клубови ќе тропнат на вратата на Леванте. Леванте има дупка од 16 милиони евра која мора да ја пополни до 30 јуни. Барди тој проблем може да го реши“, пишуваат медиумите во Шпанија.

Ќе потсетиме Барди во Леванте дојде во 2017 година за 1.5 милион евра од Ујпешт.